קרעטשמעס 5'טע שלחן ערוך

אויפנאמס צימער

אחראי: אחראי

אוועטאר
געלעגער
שר עשרת אלפים
תגובות: 11719
זיך איינגעשריבען אום: זונטאג מאי 17, 2009 5:52 pm

תגובהדורך געלעגער » מאנטאג פאברואר 27, 2012 6:11 pm

נאך אפאר נקידות וואס איך האב געוואלט אויסשמועסן אבער איך וועל נישט אזוי מאריך זיין.

און דאס איז די ענין פון די מספר התגובות, אמאל קומט א נייע ניק אריין און זעהט אז דער און יענער האלט ביי תגובה נאמבער דריי א האלב טויזענט.
און דער נייער ניק קלערט צו זיך 'אוי וויי,, ווען וועל איך אנקומען דא?' און ער נעמט זיך האקן תגובות אלעס צו בויען זיין נאמען און ער ווייסט נישט אז די נאמען ווערט נישט געבויט מיטן מספר. א ניק וואס שרייבט גוט און אינטערעסאנט וועט מען אנערקענען אפילו ער שרייבט ווייניג. איך קען געבן משלים ביז מארגן און נישט פארטיגן, ס'איז דא אזויפיל ניק'ס וואס זייער מספר איז אונטער הונדערט און יעדעס מאל זיי שרייבן טרונקט מען זייערע ווערטער מיט דורשט. איך מאך נישט אוועק ווען איינער פילט אז ער וויל זיך אויסגעבן און ער זעצט זיך אריין אין פארברענגען און שמועסט זיך אויס מיט די געשמאקע אידן וואס מיר פארמאגן דא, נאכדערצו לעצטענס ווען עס דרייט זיך אין פארברענגען אזאנע געשמאקע אידן יודע ספר אז ס'איז א נחת. אבער געדענקט, די נאמען בויט מען זיך מיט די קוואלעטי נישט מיט די קוואנטעטי. און אויב ווילט איר יא הייבן אייער נאמען זאל עס זיין אך ורק נאר דארט.

נאך א קלייניגקייט, צומאל שרייבט איינער עפעס א קלייניגקייט וואס ער מיינט באמת גארנישט אבער איינער טייטש דאס אויס כאילו מען מיינט אים, וואס געשעט נאכדעם דארף מען קיינעם נישט זאגן. ס'פאנגט זיך אן א 'ציטט'עכץ און מ'מאכט באלד די ווערטער און מ'ענטפערט שפיזיג, דער ערשטער בלייבט אויך נישט שולדיג און ענטפערט ווייטער, אזוי פארט די גאנצע אשכול אין תהום אריין פאר גארנישט און ווער ליידט דערפון? יעדער! די ליינערס פארעקלן זיך, די מנהלים האבן ארבעט פאר גארנישט און צומאל נעמען זיי די גאנצע אשכול און פאקן עס איין אין אן אייער באקס און שיקן עס מיט יו פי עס קיין מעקסיקאו. און אלעס ווייל מיט איין ווארט האט איינער געמיינט אז ער מיינט אז יענער האט געמיינט וכו'. אויב זעט מען אמאל א ווארט וואס קען זיך דאכטן אז עס טויג נישט איז דא צוויי וועגן, די נארמאלע וועג איז, שיקן יענעם אן אישי פרעגן וואס ער האט געמיינט ( ווער עס פארמאגט נישט די אישי אפציע זאל זיך מעלדן צו וויכטיג מאכער) רוב מאל אויב יענער האט טאקע גארנישט געמיינט וועט ער עס גערן פאררעכטן און שלום על ישראל. אויב יענער האט יא געמיינט עפעס וואס קען אייך באדערן אדער איז קעגן די תקנות קען מען גיין צו איינע פון די מנהלים אדער אחראים און זיי וועלן גערן אריין קוקן דעראין, און אויב זעען זיי אז איר זענט גערעכט וועלן זיי טון וואס זיי דארפן, גאראנטירט! אבער געדענקט, די מנהלים זענען אידן וואס ארבעטן פאר זייער ברויט אין שטוב, פראביר צו פארקוקן אויב גייט עס נישט פרעג יענעם, אויב דאס העלפט אויך נישט וועלן די מנהלים טון אלעס וואס פעלט זיך אויס. אבער נעמען אן אשכול און פארדרייען מיט הוילע טענה'רייען איז נישט גערעכט און עס ברענגט אראפ די ניווא פאר גארנישט. יעדער וואס דרייט זיך דא א שטיק צייט וועט קענען אנווייזען אויף אשכולות וואס זענען אפגעשפארט אדער אפגעליפערט געווארן ווייל צוויי דריי קינדער האבן נישט געקענט האלטן זייערע פינגערס ביי זיך.

און נאך איין קלייניגקייט וואס איך וויל בעטן אז איך האב שוין סייווי די מייק. דא דרייען זיך ביי אונז זאפטיגע גוטע שרייבערס פארוואס נישט שרייבן די זאכן מיט א שמייכל? פארוואס נישט אריין ווארפן א זיס ווארט דא און דארט? מיר זענען פארט אין היימישע קרעטשמע אביסל הומער קען מען ניצן אפילו ווען מען פרעגט אן עצה אדער מען שרייבט א נייעס. ווען מען קוקט צוריק צו די אלטע אשכולות פון אפאר יאר צוריק (און איך בין פון די אידן וואס פארנעמען נישט ווען מען שרייט אז אמאל איז געווען א וועלט..) וועט איר זען אז יעדער האט אייביג אריין געווארפן א גוט ווארט מ'זאל קענען שמייכלען צו איז דאס א יישר כח אדער אן ארטיקל אייביג איז עס געווען מיט ספייס, היינט פעלט דאס. היינט איז אלעס אזוי ערענסט אזוי גראד. פארגעסט נישט, איר שרייבט אין היימישע קרעטשמע, שרייבט ווי עס פאסט פאר א קרעטשמע מיטגליד.
און שוין.........

אוועטאר
jkup50
שר האלף
תגובות: 1077
זיך איינגעשריבען אום: מאנטאג אוגוסט 09, 2010 2:45 pm
לאקאציע: איך וואלט אויך געוואלט וויסן!!

תגובהדורך jkup50 » מאנטאג פאברואר 27, 2012 7:07 pm

שכוח פליגעל
שכוח גלעגער
וואס מיר באדערט זייער איז לינקען צי אנדערע סייטס דאס איז להיפך פון וואס מיר טוען דא
לדעתי -אויך מיר א דעת- טאר די הנהלה דאס נישט צילאזען
יאנקעל די פופציגער

אוועטאר
DotCom
שר חמש מאות
תגובות: 682
זיך איינגעשריבען אום: זונטאג נובעמבער 23, 2008 10:29 pm
לאקאציע: אין גלות

תגובהדורך DotCom » מאנטאג פאברואר 27, 2012 11:19 pm

געלעגער, איין נקודה'לע וויל איך נאך צולייגן, די ענין פון לאזן אן אנדערן ניק אויך רעדן, דו האסט מיר שוין צוויי מאל צוגעכאפט די ווערטער פון מויל אין דעם אשכול אליינ'ס... בין איך עפעס שולדיג אז כ'בין געווען ביזי היינט? אפשר לאזסטו עפעס איבער פאר א צווייטן? הזאת נעמי? מעננער'ס פליז...

אבער עטליכע ערנסטע נקודות וואס כאב יא געקלערט צוצולייגן דא, איינס, ס'דא אזעלכע - טאקע נאר א קליינע פראצענט אבער ס'דא - וואס מיינען אז דא אויף אייוועלט שרייבען נאר אזעלכע חכמים ווי שלמה המלך און אז מ'מעג נאר שרייבן אזעלכע זאכן וואס וואלט אדורך די סנהדרין הגדולה צו להבדיל די פעדעראל סופרים קאורט, סא אויב וויל ער דא עפעס שרייבן מוז ער קודם אדורכטהון די סוגיא בש"ס ופוסקים אדער אדורכ'גוגל'ען די גאנצע געוועב ווייל אויב נישט וועט מען אים דא אויפעסן לעבעדיגערהייט... באמת איז אבער א פארום (מיט דעם אנדערש ווי א בלאג) א פלאץ ווי מענטשן פון אלע סארטן קומען זיך צוזאם יעדער מיט זיינע ידיעות, אויב עימיצער וויל עפעס זאגן זאל ער זיך אויפשטעלן און זאגן, ווייסט עימיצער אנדערש איז ער מכובד זיך צו לאזן הערן, אדרבה ער זאל אויך שרייבן, און אזוי וועט ער א טובה טהון פאר זיך ולכל הדורות הבאים אחריו, ווייל דער דריטער זעהנ'דיג פאר זיך די 2 דעות וועט מאכן א מער אויסגעהאלטענעם באשלוס און זיין מער פעסט ביי זיך, אזא באשלוס וואלט אים געדויערט עטליכע יאר ווען נישט קרעטשמע, אבער אלעס מוז ווערן געפירט אונטער אן אנגענעמען אטמאספער פונקט ווי אמאל אין קרעטשמע ביים אייוועלע ווי דער אידעלע האט זיך דערווארעמט און דערפרישט נאך א טאג פון צרות און רדיפות, אוודאי האט מען דעבאטירט אויך, 2 אידן 3 דעות אבער מיט א ברידערליכקייט. (וסימנך ני"ק - נ'יקס י'ושבים ב'ק'רעטשמע)

צווייטענ'ס, אויב איינער מאכט א טעות איז עס נישט מער ווי א 'הומאן ערראר', א מענטש איז א מענטש און מאכט מיסטעיק'ס, סיי אין ידיעות און דעות און סיי אין ספעלינג/גרעמער, סדא ניק'ס וואס ווארטן קוים מיט זייער הונגעריגע מיילער און שארפע ציינער נאר אויפן מינוט וואס אן אומשולדיג שעפעלע וועט מאכן א טעות, זיי וועלן זיך דעמאלט תיכף לאזן הערן כאילו מ'וואלט באגאנגען די וועלטס עוולה, די שרייבער'ל ווערט תיקף קריטיקירט הלמאי ער שרייבט אזא זאך וואס איך ניק הגדול ממך ווייס בעסער ווי דיר, דער שרייבער פאקט איין און יאגט אפ, און דער ניק גייט צוריק צו זיין בערן שלאף ביז נעקסטע קרבן פארט אדורך.... , לא זו הדרך, די וועג איז יענעם שיין אויפמערקזאם צו מאכן און געבן די געלעגנהייט צוריקצוציען בדרך כבוד, און אויב איז עס א מער א גרעסערער טעות וואס דער שרייבער קען זיך שפעטער שעמען דערמיט, זאל מען עס בשו"א נישט קוואוטן און אזוי פאררעכטן נאר פאררעכטן אן קוואוטען, אדער נאך בעסער איז יענעם מעורר צו זיין אין אישית, מה דעלך סאני לחברך לא תעביד, (וסימנך ני"ק, נ'ישט י'ענעם ק'ריטיקירן). (ובדרך אגב ווילעך זיך באדאנקן פאר 'געלעגער באטשי' און דר. 'שטארק זיך' וואס האבן מיר שוין כמ"פ מעורר געווען אין אישי, ותשוח"ח להם)

און דריטנ'ס, א ניק מעג זיך טוישן זיין מיינונג (אפילו מיטן זעלבן ניק) אדרבה דאס איז דער ציל פונעם פארום כדי זיך אויסצושמועסן איינער מיט'ן צווייטן ווי אויבן געשריבן, א ניק מעג אין איין אשכול זאגן איין זאך אין די אנדערע אשכול זאגן פארקערט, און ס'מיינט נישט אז ער טוישט ארום מיינונגען, נאר עס מיינט אדער אז ער האט צוריקגעצויגן פון זיין פריעדיגע שטעלונג, אדער אפילו נישט, נאר יעצט וויל ער אויסקלארן די ענין וואס מען שמועסט יעצט, אסאך מאל זעהט מען ווי ניק'ס קאנפראנטן אנדערע ניק'ס מיט זאכן וואס יענער האט געשריבן שוין א שטיק צייט צוריק און דארט איז משמע פארקערט, מען קוואוט יענעם'ס תגובות כאילו ער איז א פרעזידענט קאנדידאט וואס טאר קיינמאל נישט טוישן זיין מיינונג אויב יא איז ער א פליפ-פלאפער... מ'מעג און מ'דארף טוישן מיינונגען אן מורא האבן אז ער גייט ליידן קאנסקווענצן. (וסימנך ני"ק, נ'ישט י'ענעם ק'וואוטען).

ומענין לבנין באותו קנין, נאך 2 אומ'בטעמ'טע זאכן וואס ס'מיר שוין כמ"פ אויסגעקומען צו באגעגענען, 1) א קאמפלימענט אין אישית מיינט 'נישט' אז איך וויל דיר קענען, נאר עס מיינט אז כאב געגעבן א קאמפלימענט אין אישית וזה הוא. 2) פאר מ'באשודלודיגט א צווייטן אז זיין מיינונג איז נוטה צו השכלה אדער מאדערנקייט וכדו' זאל מען זיך גוט איבערטראכטן ווייל עס ברענגט נישט קיין גוט'ס וד"ל די בעסטע איז פראבירן אין אישית כנ"ל אויב העלפט עס נישט איז דא א מנהל.
'היימישע קרעטשמע', אירע גרינדער, אנפירער, מנהלים, און מיטגלידער האבן פאר זיך איין ציל: ארויפצוברענגען א שמייכל אויף אידישע לעפצן (תקנות).

אוועטאר
קרעמער
שר עשרים אלפים
תגובות: 28276
זיך איינגעשריבען אום: זונטאג יוני 25, 2006 12:34 pm

תגובהדורך קרעמער » דינסטאג פאברואר 28, 2012 12:35 am

וסימנך דאט קאם זאגט גוט..

יקוםפרקן
שר חמישים ומאתים
תגובות: 380
זיך איינגעשריבען אום: זונטאג ינואר 30, 2011 4:03 pm

תגובהדורך יקוםפרקן » דינסטאג פאברואר 28, 2012 8:34 am

די וועלט זאגט אז די 6'סטע שו"ע איז: וויאזוי זיך צו באגיין מיט אוממענטשן!
איז נאך דא פלאץ אויך פאר דעם דיקן באנד שו"ע?

אוועטאר
ים רויבער
שר האלף
תגובות: 1926
זיך איינגעשריבען אום: דאנארשטאג פאברואר 03, 2011 2:13 pm

תגובהדורך ים רויבער » דינסטאג פאברואר 28, 2012 2:09 pm

אז מ'רעדט שוין איז כדי צו צו דערמאנען די ענין פון פינטעל וואס איז לעצטענס געווארען צוריק אין סטייל איבערהויפט אין די פריימערי אשכול
די זעלבע איז מיט "וד"ל ואכמ"ל" וואס לעצטענס ווערט עס געפערליך אביוזד, מ'רעדט פון א נושא אין איינער ווארפט אריין א וד"ל אין עולם גולם מיינט אז ס'איז באמת עפעס פארגעקומען דארט

וטרם אכלה וויל איך בעטן א בקשה פון אלע ידענים אין היסטאריקער, (קען זיין אז איך וואלט עס געדארפט שרייבען אין "זכור ימות עולם" אדער אין "על הצדיקים ועל החסידים" אבער אז איך בין שוין דא איבערהויפט אז ס'איז נאך א מעלדונג אשכול וועל מיר עס דא לייגען) ווען איר שרייבט איבער א געוויסע צדיק אין אינדערמיט ווארפט איר אריין "ביי די באקאנטע פרשה" אדער "והדברים ידוע", אין די זעלבע איז מיט היסטאריע ווען איר רעדט פון א נושא אין אינדערמיט קומט אריין א ענין ווי למשל די ביילוס פראצעס, הגט מ'קליווא, ציקאריע, היתר מכירה וכו' נישט יעדער איז א ידען ווי דיר אין אז איר ווארפט נאך אריין "ס'איז באקאנט" מיינט ער אז עפעס פעלט אים אז ער ווייסט נישט, אויב איר קענט שרייבען אין אפאר ווערטער וואס די מעשה, פולמוס, שערורי' איז געווען איז זיכער גוט אין אויב איר האט נישט קיין צייט לייגט כאטש עפעס א לינק ווי מ'רעדט דערפון, אסאך מאל רעדט מען שוין דערפון אויף אונזער וועלטעל, אויב נישט לייגט כאטש א וויקי לינק פארגעסט נישט "פון דא וועלען אונזערע אין ענקערע קינדער שעפן ידיעות אין צען יאר ארום אויב נאכנישט יעצט"
ממילא עשה למענך אם לא למעננו
כא כא כא האבן זיך די רויבער צולאכט (מנחם מענדל)
pirate.ivelt@gmail.com

אוועטאר
מאשקע
מ. ראש הקהל
תגובות: 12549
זיך איינגעשריבען אום: מיטוואך נובעמבער 15, 2006 2:40 am
לאקאציע: אין די חיפוש

תגובהדורך מאשקע » דינסטאג פאברואר 28, 2012 9:15 pm

יישר כח פאר'ן מחבר פון שלחן ערוך און פאר די נושאי כלים ובפרט פאר'ן "ערוך המשכב". יעדער האט זייער גוט ארויסגעברענגט די וויכטיגע נקודות.

אגב, איינער שרייבט מיר היינט אויף גוגעל טאלק, אינמיטן א שמועס וועגן דאפלטע ניקס, בזה"ל: וקוי הפורום יחליפו ניקס, יעלו על הנערוון כנשרים.
An article a day keeps the babies away

אוועטאר
leiby
שר שלשת אלפים
תגובות: 3905
זיך איינגעשריבען אום: זונטאג נובעמבער 16, 2008 11:08 pm
לאקאציע: צווישן אידן

תגובהדורך leiby » דינסטאג פאברואר 28, 2012 10:30 pm

חח אזוי אמת..
שש מצות תמידיות: אהבת ה',יראת ה', יחוד ה', אמונה בה', שלילת ע"ז, ולא תתורו.

Yes_or_no
שר מאה
תגובות: 173
זיך איינגעשריבען אום: דאנארשטאג מאי 07, 2009 8:57 am

תגובהדורך Yes_or_no » דינסטאג פאברואר 28, 2012 10:53 pm

Thanks all of u nice I loved to read it.

But in fact!

This is too much! It will take away the apatite to write here for new guys! Really too much.
Hey don't jump me. It's just a single opinion.

אוועטאר
ווינקל
שר שבעת אלפים
תגובות: 7772
זיך איינגעשריבען אום: דאנארשטאג מאי 21, 2009 12:10 am
לאקאציע: vinkel.ivelt ביי גימעיל

תגובהדורך ווינקל » דינסטאג פאברואר 28, 2012 11:33 pm

ביטע זייט מער ספעציפיש, וועלכע חלק נעמט אוועק די אפעטיט?

והוא פלאי
שר האלפיים
תגובות: 2749
זיך איינגעשריבען אום: זונטאג אוגוסט 23, 2009 3:18 pm

תגובהדורך והוא פלאי » מיטוואך פאברואר 29, 2012 12:21 am

יישר כח פאר אלע מעוררים דא, און אלע מגיבים דא
איך האב הנאה געהאט פון אסאך נקודות, און איך האלט אז אסאך זענען ריכטיג,
אבער.....
איך אנטשולדיג מיך, דער רבוש"ע האט מיר נישט געשאנקן מיט אזא געלונגענעם פעדער, ווי אויך נישט מיט קיין סענס אף יומאר, געלויבט השי"ת פאר דעם, אבער איך מיין אז די הערה וואס איך וויל שרייבן האט אין זיך א מקצת אמת
כשם שאין פרצופיהן שוות, כך אין דיעותיהן שוות
און איך פארשטיי אז פונקט אזויווי איך האב מסכים געווען מיט געוויסע נקודות און מיט אנדערע נישט אזוי שטארק,
און איך האב געזעהן אז עס איז דא מענטשען וואס פארשטייען פונקט קאפויער,
והאמת עס איז תלוי אין א געשמאק, און דער סיבה פ"וו דער באדרעפענדער געפינט זיך דא
אני הצעיר האב בתחילת כתיבתי כאן, און געשריבן א געמישעכץ פון יודיש און לה"ק, כפי מה שפלטה הקולמוס
האבען מיר מאנכע געבעטען אין אישי צו פרובירען שרייבן אין אידיש, והשבתי, והוא האמת, ביי מיר איז דער גאנצע פלאץ היימיש קרעטשמע, און דא איז מיין פארברענגען, און איך ליפטער מיך דא, באופן "?כשר?", איך בין דאנקבאר פארן פלאץ, איך בין דאנקבאר אפילו פאר די שרייבערס וואס איך גלייך נישט זייער סטיל און מיינונג, ווייל זיי האלטן דא מיט זייער שרייבאכץ אנדערע וועמען איך גלייך זייער. טאלאראנט בין איך זיכער, מה דעלך סני וכו',
נחזור לענייננו, ליפטערען האט נישט קיין סאך רולס, ליפטערען איז לויט די גיסטע, אמת עס איז דא וואס לייגען צו קאפ מח שטרויזאק צו יעדען מאמר, תבוא עליהם ברכה, אדער ליפטערען זיי זיך אזוי, אדער קומען זיי דא פאר אנדערע סיבות, זאל זיי וואויל באקומען, יהי להם אשר להם, אנן בדידי ואינהו בדידן
ולמשל אדער לדוגמא (וויאזוי שרייבט מען, יישר כח פארן מעיר, כאטש ער איז נישט פונקטליך גערעכט), לי הצעיר והדל, גייען די יישר כח'ס אויף די נערווען, איך וואלט אפי' מציע געווען, מען זאל מאכן א זייטיגע קעסטעל, מאידך גיסא, זעה איך און אנערקען, אז רוב מענטשען "עכ"פ פון די שרייבערס דא" האלטן לגמרי להיפך
מאידך גיסא, איך האב הנאה פון לינקס, (דער מין וואס לינקט נישט היפך פון רעכטס), און אנדער נישט,
ממילא האלט איך, יעדער זאל ווייטער שרייבן וויאזוי ער וויל, פארשטייט זיך לויט די תקנות
און אפילו די שרייבער פון דעם אשכול זענען אויך בארעכטיגט צו האלטן אנדערש ווי מיר, מעג איך אוספירן, וד"ל?
למה זה תשאל לשמי...

אוועטאר
DotCom
שר חמש מאות
תגובות: 682
זיך איינגעשריבען אום: זונטאג נובעמבער 23, 2008 10:29 pm
לאקאציע: אין גלות

תגובהדורך DotCom » מיטוואך פאברואר 29, 2012 2:41 am

Yes_or_no האט געשריבן:.... It will take away the apatite to write here for new guys!...,


לאמיר דיר פרעגן וואס האלטסטו איז בעסער, אוועקנעמען אפעטיט פון אלטע אדער נייע שרייבער'ס?

אבער איך מיין אז פאר רוב ניק'ס, רובו ככולו, סיי אלטע און סיי נייע, זענען די אלע אויבנדערמאנטע הלכות/הנהגות נישט אקטועל, ב"ה אז רוב חברה דא פארשטייען זיך גיט איינער מיטן צווייטן, יעדער אין זיין פעלד, עס איז נאר די געוויסע אויסנאם אינגלעך וואס גלייכן נישט צו נוצן זייער דזשעלי אונטער'ן קאפל, וויזוי זאגט די די וועלט? דער נער זאל ארויס פון מקוה.... והכל על מקומו יבא בשלום.

סא יעצט איז אלעס בעק טו ביזנעס עס יוזשועל, זאג רב יעס/נא וואס האלטסטו איז בעסער ענדרויד צו אייפאון? טעיפס אדער סידי'ס?... לינק פליז!
'היימישע קרעטשמע', אירע גרינדער, אנפירער, מנהלים, און מיטגלידער האבן פאר זיך איין ציל: ארויפצוברענגען א שמייכל אויף אידישע לעפצן (תקנות).

אוועטאר
פליגל
שר שלשת אלפים
תגובות: 3700
זיך איינגעשריבען אום: פרייטאג סעפטעמבער 04, 2009 1:27 pm
לאקאציע: ביים פענסטער

תגובהדורך פליגל » מיטוואך פאברואר 29, 2012 5:56 am

רב פלאי;

אלס איש את רעהו יעזורו אדער ולאחיו יאמר חזק וועט א לינק אויפטוהן, משא"כ ביי פארברענגן & קרעטשמע.

יא/ניין; חלילה ס'אל פארגיין דעם אפעטיט פון "שרייבערס" מיר ברויכן זיי, אונז האמיר גערעדט כלפי די וואס זענען עוסק אין גראפיטי, מ'האט ציגעשטעלט א פלאץ אין צענטר פון שטאט ווי ווער ס'וויל/מיז סקריבלען זאל'ס טוהן דארט.
נאט אייך א גרינע...


אוועטאר
מיללער
שר עשרים אלפים
תגובות: 24327
זיך איינגעשריבען אום: דאנארשטאג יוני 14, 2007 9:48 am

תגובהדורך מיללער » מיטוואך פאברואר 29, 2012 10:46 am

בדרך לא דרך בין איך אנגעקומען אין דעם אשכול, ברוך המקום שהנחני בדרך אמת, מ'קען זאגן אויף די עטליכע תגובות וואס באהאנדלען ריכטיג דעם אנשיקעניש פון ניקס וואס האבן לדאבונינו נישט דעם פינפטען שו"ע; שפתים ישק משיב דברים נכוחים! במיוחד כבוד מר. געלעגער שפרש כשמלה את אשר בלבבינו, תשוח"ח לו.


איך פרוביר אלס צו זאגן דעם יסוד פונעם פינפטען שו"ע אויף א פארום, איין איין סעיף, בבחינת בא חבקוק והעמידן על אחת, והוא:

ווען איר שרייבט א תגובה אויפן פארום, אפי' איר באהאלט אייער אידענטיטעט זאלט איר האלטן פאר די אויגען אז אולי ביום מן הימים גייט עמיצער, און דייקא וועם איר ווילט נישט, געוואור ווערן אז איר ר' יוסף זאנוויל פייערזאלץ האט אינטער'ן ניק 'פינטלאוויטש' געשריבען די תגובה. אויב ווען יענער ווערט געוואור גייט איר זיך שעמען פון יענעם, דאן שרייבט עס נישט! והוא עצה טובה בדוק ומנוסה.

דער שליסל איז אז נישט אלעס וואס קומט אויפן אינסטענט סעקונדע ברויך מען אראפשרייבען, טראכט א רגע פאר דו דרוקסט דעם שלח קנעפל, זאלסט דיך נישט שעמען בעתיד מיט דיין תגובה.

יה"ר שלא נבוש ולא נכשל ולא נכלם במעשינו לא בעוה"ז ולא בעוה"ב.

אוועטאר
צייטליך
מ. ראש הקהל
תגובות: 12462
זיך איינגעשריבען אום: מיטוואך נובעמבער 01, 2006 6:13 pm
לאקאציע: ערגעץ דא אין די געגענט.

תגובהדורך צייטליך » מיטוואך פאברואר 29, 2012 11:25 am

עס קוקט מיר שוין אויס אז די 5'טע שלחן ערוך דא איז גרעסער ווי די ערשטע 4..

יישר כח פאר די אלע שרייבערס וואס האבן אזוי גוט ארויסגעברענגט יעדער גאר ריכטיגע פוינט'ס. אנגעפאנגען מיט פליגל, געלעגער (2 תגובות) דאט קאם, וכדו'.

ס'וואלט כדאי געווען אז יעדע שרייבער דא זאל דאס ליינען, א שאד נאר אז ס'ליגט נאר דא אין דעם פארום.
איך בין צייטליך און איך האב עפראווד די תגובה.

אוועטאר
פליגל
שר שלשת אלפים
תגובות: 3700
זיך איינגעשריבען אום: פרייטאג סעפטעמבער 04, 2009 1:27 pm
לאקאציע: ביים פענסטער

תגובהדורך פליגל » מיטוואך פאברואר 29, 2012 11:37 am

כבוד הרב צייטליך המנהל נ"י

ר' קרעמער האט דאס געפינט אלס א מעלדונג, אפשר וואלט כדי געווען אז אלע נייע ניקס זאלן דאס באקומען בעפאר זיי ווערן עפראווד?

כ'לאז'ס פאר ענק.

הצלחה
פליגל
נאט אייך א גרינע...



צוריק צו “ברוכים הבאים”

ווער איז אונליין

באנוצערס וואס דרייען זיך איצט דא: נישטא קיין איינגעשריבענע באנוצערס און איין גאסט